ރ. އުނގޫފާރު "މަސްޖިދުލް ތަޤްވާ" މިސްކިތުގައި ބަހައްޓާފައިވާ ޚައިރާތު ފޮށި ހަލާކުކޮށްލައި ވައްކަންކޮށްފައިވާކަމަށް ބެލެވޭ މައްސަލައެއް ފުުލުހުންނަށް ހުށައަޅާފައިވާކަމަށް ފުލުހުންގެ މީޑިއާ އޮފިޝަލަކު ވިދާޅުވެއްޖެއެވެ. މިހާދިސާ ހިނގާފައިވަނީ 15 ފެބްރުއަރީ 2020ވަނަ ދުވަހު ހަވީރު 17:10 އެއްކަން ހާއިރުގައެވެ.
ފަންޑު ފޮށީގެ ތަޅު ހަލާކުކޮށްލަނިކޮށް މިސްކިތް ސާފުކުރާ މީހަކަށް ފެނުނު ކަމަށާއި ، އެފޮށީގައި ފައިސާ ހުރިކަމަށާއި ، އެފޮށީން އެއްޗެއް ނުގެންދެވުނީ އެހެންވެކަމަށް އެރަށުން މައުލޫމާތު ދިން މީހަކު ވަނީ ބުނެފައެވެ.
މައުލޫމާތު ލިބިފައި ވާގޮތުގައި އެފޮށިން ވައްކަން ކުރަން އުޅުނު މީހާ އަކީ ވައްކަމުގެ މައްސަލަ އޮންނަ އަދި އެކަމުގެ ހުކުމް ތަންފީޒުވެސް ކޮށްފައިވާ މީހެކެވެ.
