ކުޅިވަރު
ރިސޯޓު ލީގު 2024: ޗެމްޕިއަން ރީތި ރަށް މުބާރާތް ފެށީ މޮޅަކުން

ރިސޯޓު ލީގުގެ ނޯތު މާލޭ ޒޯނުގެ ފުރަތަމަ މެޗުން، މި ޒޯނުގެ އެންމެ ފަހުގެ ޗެމްޕިއަން އަދި ހޯސްޓް ރިސޯޓު ކަމަށްވާ ވަން އެންޑް އޮންލީ ރީތި ރަށް މޮޅުވެއްޖެ އެވެ.

މިއަދު ހަވީރު ހިލްޓަން މޯލްޑިވްސް އާއި ދެކޮޅަށް ކުޅުނު މެޗުން ރީތި ރަށް މޮޅުވީ 3-1 ގެ ނަތީޖާއަކުންނެވެ. މެޗު ފެށިގެން ފަސްވަނަ މިނެޓުގައި ރީތި ރަށަށް ލީޑު ނަގައިދިނީ ޓީމުގެ ކެޕްޓަން ނާފިއު އެވެ. ހާފު ނިމުމުގެ ކުރިން އެ ޓީމަށް ލީޑު ފުޅާކޮށްދިނީ ނަބީލް އެވެ. މިއީ ހިލްޓަންގެ ގޯލް އޭރިޔާގެ ބޭރުން ލިބުނު ހިލޭ ޖެހުމެއް ޒިޔާން ޖައްސާލުމުން ނަބީލް ކާމިޔާބުކޮށްދިން ލަނޑެކެވެ.

ރީތި ރަށުން ދެވަނަ ހާފުވެސް ފެށީ ވަރުގަދަކޮށެވެ. އެގޮތުން، ހާފު ފެށިގެން ދެވަނަ މިނެޓުގައި އެ ޓީމުން ވަނީ އިތުރު ގޯލެއް ޖަހާފަ އެވެ. މި ގޯލު ކާމިޔާބުކޮށްދިނީ ޝިމްހާޒް އެވެ.

މެޗަށް އެނބުރި އައުމަށް ހިލްޓަން އިން ކުރި މަސައްކަތުން، އެ ޓީމަށް ގޯލެއް ޖެހިފައިވަނީ ދެވަނަ ހާފުގެ ނުވަ ވަނަ މިނެޓުގަ އެވެ. އެ ގޯލު ހިލްޓަން އަށް ކާމިޔާބުކޮށްދިނީ ރައިހާން އެވެ. މެޗު ނިމުމުގެ ކުރިން ނަތީޖާ ހަމަހަމަ ކުރުމަށް ހިލްޓަން އިން ކުރި މަސައްކަތް ވަނީ ކާމިޔާބުވާގޮތް ގޮތެއް ނުވި އެވެ.

ރީތި ރަށާއި ހިލްޓަންގެ އިތުރުން ގުރޫޕު އޭ ގައި ހިމެނެނީ ކުޑަ ހުރާ އާއި ބަނޑޮހެވެ.

8
ކިޔުންތެރިންގެ ޚިޔާލު

Leave a Reply

Your email address will not be published. Required fields are marked *

Home
Menu
Search
Back to top