ކުޅިވަރު
ޔުނައިޓެޑު ކައިރިން އާސެނަލް މޮޅު، ޗެމްޕިއަން ކަނޑައެޅޭނީ ފަހު މެޗުން

އިނގިރޭސި ޕްރިމިއާ ލީގުގައި މެންޗެސްޓާ ޔުނައިޓެޑު ކައިރިން އާސެނަލް މޮޅުވުމާއެކު، ޗެމްޕިއަން ކަނޑައެޅުން ފަހު މެޗާ ހަމަޔަށް ދިގު ދެމިގެން ގޮސްފި އެވެ.

ހޮނިހިރު ދުވަހުގެރޭ ޔުނައިޓެޑުގެ ދަނޑުގައި ކުޅުނު މެޗުން އާސެނަލް މޮޅުވީ 1-0 ގެ ނަތީޖާއަކުންނެވެ. އާސެނަލް އިން މި ފަހުން ދެއްކި މޮޅު ކުޅުން، މި މެޗުގައި ނުދެއްކުނު ނަމަވެސް، އެ ޓީމުން ވަނީ މުހިންމު ތިން ޕޮއިންޓު ހޯދާފަ އެވެ.

މެޗުގެ ހަމައެކަނި ގޯލު، 20 ވަނަ މިނެޓުގައި އާސެނަލް އަށް ކާމިޔާބުކޮށްދިނީ ލިއާންޑްރޯ ޓްރޮސާޑް އެވެ. އެއީ އޭރިއާ ތެރެއިން ކައި ހަވާޓްޒް ދިން ޕާހަކުން ޖެހި ގޯލެކެވެ.

މި މޮޅާއެކު އާސެނަލް އިން ވަނީ އެ ޓީމުގެ ރެކޯޑެއް މުގުރާލާފަ އެވެ. މި ސީޒަނުގައި ޕްރިމިއާ ލީގުގެ 27 މެޗުން މޮޅުވެފައިވާއިރު، މީގެ ކުރިން އެ ޓީމަށް އެންމެ ގިނަވެގެން މޮޅުވެވިފައިވަނީ 26 މެޗުންނެވެ. އެއީ 2003/2004 ގައި އެ ޓީމުން ބަލިނުވެ ލީގު ކާމިޔާބުކުރި އިރުއެވެ.

އާސެނަލް ވަނީ އަނެއްކާވެސް 86 ޕޮއިންޓާއެކު އެއްވަނަ އަށް ޖެހިލާފަ އެވެ. އެއް މެޗު މަދުން ކުޅެ، ސިޓީ އަށް ލިބިފައިވަނީ 85 ޕޮއިންޓެވެ. އަންގާރަ ދުވަހުގެރޭ ސިޓީ ނިކުންނާނީ ޓޮޓެންހަމް އާ ދެކޮޅަ ށެވެ.

 

3
ކިޔުންތެރިންގެ ޚިޔާލު

Leave a Reply

Your email address will not be published. Required fields are marked *

Home
Menu
Search
Back to top