ކުޅިވަރު
ގްރަނާޑާ ކައިރިން ޗެމްޕިއަން ރެއާލް އަށް ފަސޭހަ މޮޅެއް

ސްޕެނިޝް ލީގުގެ ޗެމްޕިއަންކަން ކަށަވަރުކޮށްފައިވާ ރެއާލް މެޑްރިޑުން ފަސޭހަ ކަމާއެކު 4-0 ގެ ނަތީޖާއަކުން ގްރަނާޑާ ބަލިކޮށްފި އެވެ.

ހޮނިހިރު ދުވަހުގެރޭ ގްރަނާޑާގެ ދަނޑުގައި އެ ޓީމު ބަލިކޮށް، ރެއާލް އިން ވަނީ ލީގުގައި ބަލިނުވެ ވިދިވިދިގެން 28 މެޗު ފުރިހަމަ ކޮށްފަ އެވެ. ގްރަނާޑާ ވަނީ މި ސީޒަނުގައި ރެލިގޭޓްވާކަން ކަށަވަރުވެފަ އެވެ.

ފުރަތަމަ ހާފުގެ 38 ވަނަ މިނެޓުގައި ރެއާލްގެ ފުރަތަމަ ގޯލު ޖަހައިދިނީ ފްރޭން ގާސިއާ އެވެ. އެއީ މި ސީޒަނުގައި އޭނާ ކާމިޔާބުކުރި ފުރަތަމަ ގޯލެވެ. ހާފު ނިމުމުގެ ކުރިން ރެއާލް އިން ވަނީ އިތުރު ގޯލެއް ޖަހައި، ލީޑު ފުޅާކޮށްފަ އެވެ. އެ ގޯލު ރެއާލް އަށް ޖަހައިދިނީ ޒުވާން ތަރި އާޑާ ގުލެއާ އެވެ.

ދެވަނަ ހާފު ފެށިގެން ހަތަރު ވަނަ މިނެޓުގައި ބްރަހިމް ޑިއާޒް ވަނީ ރެއާލްގެ ތިން ވަނަ ގޯލު ޖަހާފަ އެވެ. އަދި އޭގެ ނުވަ މިނެޓު ފަހުން އޭނާ ވަނީ އިތުރު ގޯލެއް ޖަހާފަ އެވެ.

މި މޮޅާއެކު ރެއާލް އިން ވަނީ އެއްވަނައިގައި 15 ޕޮއިންޓުގެ ލީޑެއް ނަގާފަ އެވެ. ރެއާލް އަށް 90 ޕޮއިންޓު ލިބިފައިވާއިރު، ދެވަނައިގައި ޖިރޯނާ އަށް ލިބިފައިވަނީ 75 ޕޮއިންޓެވެ. ތިން ވަނައިގައި ބާސެލޯނާ އަށް ލިބިފައިވަނީ 73 ޕޮއިންޓެވެ.

3
ކިޔުންތެރިންގެ ޚިޔާލު

Leave a Reply

Your email address will not be published. Required fields are marked *

Home
Menu
Search
Back to top