ގދ.ރަތަފަންދޫގައި ފިހާރައެއް ފަޅައިލައިގެން ވަގަށް ނެގި ގިނަ އަދަދެއްގެ ފައިސާތަކެއް ފުލުހުން ހޯދައިފިއެވެ.

މީޑިއާތަކަށް މައުލޫމާތު ދެއްވަމުން ފުލުހުން ވިދާޅުވީ، މިދިޔަ ހަފްތާ ހުކުރު ދުވަހުގެ ރޭ ދަންވަރު އެރަށުގައި ހުންނަ ފިހާރައެއް ފަޅާލައިގެން ވައްކަން ކޮށްފައިވާ މައްސަލައިގަ، ފުލުހުން ކުރި ތަހުގީގުން ވަނީ ވަގަށް ނަގާފައިވާ ފައިސާތައް ހޯދާފައި ކަމަށެވެ. ފުލުހުން ވިދާޅުވީ، އެފިހާރައިން ވަގަށް ނަގައިގެން ހޯދާފައިވާ ފައިސާތަކުގެ ތެރޭގައި ވިހި ހާސް ނުވަސްތޭކަ ދިވެހި ރުފިޔާއާއި އަދި ހަތަރު ސަތޭކަ ބާރަ ޔޫއެސް ޑޮލަރު ހިމެނޭ ކަމަށެވެ.

ފުލުހުން އިތުރަށް ވިދާޅުވީ، އެމައްސަލައާއި ގުޅިގެން ހަތަރު މީހަކު ހައްޔަރުކޮށްފައިވާ ކަމަށެވެ. އެއީ 27 އަހަރުގެ ފިރިހެނަކާއި، 21 އަހަރުގެ ފިރިހެނަކާއި، 19 އަހަރުގެ ފިރިހެނަކާއި އަދި 18 ނުވާ ކުޑަކުއްޖެއް ކަމަށެވެ. އަދި ކޯޓުން ވަނީ އެމީހުންގެ ބަންދަށް ތިން ދުވަސް ޖަހާދީފައި ކަމަށެވެ.

މިހާރު އެމައްސަލަ ދަނީ ރަތަފަންދޫ ޕޮލިސް ސްޓޭޝަނުން އިތުރަށް ތަހުގީގު ކުރަމުންނެވެ.

0
0
0
0
0

މިލިޔުމާއި ގުޅޭ

ކޮމެންޓް

Your email address will not be published.