ކުޅިވަރު
ބްރެޒިލްގެ މާޓާ ގައުމީ ޓީމުން ރިޓަޔާ ކުރަނީ

މިއަހަރު ތެރޭ ބްރެޒިލްގެ އަންހެން ގައުމީ ޓީމުން ރިޓަޔާ ކުރާނެ ކަމަށް އެ ޓީމުގެ ލެޖެންޑް މާޓާ ބުނެފި އެވެ.

އުމުރުން 38 އަހަރުގެ މި ކުޅުންތެރިޔާ އަކީ ފިރިހެން ގައުމީ ޓީމު ކުޅުންތެރިންވެސް ހިމެނޭހެން، ބްރެޒިލް އަށް އެންމެ ގިނަ ގޯލު ޖަހައިދިން ކުޅުންތެރިޔާ އެވެ. މިއަހަރު ޕެރިސް ގައި ކުރިޔަށްގެންދާ އޮލިމްޕިކް ގޭމްސް ގައި ބައިވެރިވާ ބްރެޒިލްގެ ޓީމަށް މާޓާ ނަގައިފި ނަމަ، އެ މުބާރާތް ވެގެންދާނީ އޭނާގެ ހަ ވަނަ އޮލިމްޕިކް މުބާރާތަ ށެވެ.

މާޓާ ބުނީ އޮލިމްޕިކްސް އަށް ދެވިއްޖެ ނަމަ ވަރަށް އުފާ ކުރާނެ ކަމަ ށެވެ. އަދި ދެވުނަސް ނުދެވުނަސް، މިއަހަރު މިއީ އޭނާގެ ފަހު އަހަރު ކަމަ ށެވެ.

މާޓާ ވަނީ ބްރެޒިލް އާއެކު 2004 އަދި 2008 ވަނަ އަހަރުގެ އޮލިމްޕިކްސް އިން ރިހި މެޑަލް ހޯދާފަ އެވެ. ދެފަހަރުވެސް، ފައިނަލުގައި ބަލިވެފައިވަނީ އެމެރިކާ އަތުންނެވެ. މީގެއިތުރުން އޭނާ ވަނީ 2007 ވަނަ އަހަރުގެ ވޯލްޑް ކަޕުންވެސް ބްރެޒިލް އާއެކު ރަނަރަޕް ކަން ހޯދާފަ އެވެ.

އަންހެން އަދި ފިރިހެން ވޯލްޑް ކަޕް ހިމެނޭހެން، މުބާރާތުގައި އެންމެ ގިނަ ގޯލް ޖެހި ކުޅުންތެރިޔަކީވެސް މާޓާ އެވެ. އޭނާ ވަނީ ހަ މުބާރާތުގައި 23 މެޗު ކުޅެ، 17 ގޯލު ޖަހާފަ އެވެ.

2
ކިޔުންތެރިންގެ ޚިޔާލު

Leave a Reply

Your email address will not be published. Required fields are marked *

Home
Menu
Search
Back to top