މޫސުން ގޯސްވާނެ ކަމަށް ލަފާކޮށް ހއ. އަތޮޅުން ފެށިގެން ބ އަތޮޅަށް ވައިޓް އެލަރޓް ނެރެފިއެވެ.
މޫސުމާއި ބެހޭ ގައުމީ އިދާރާ، މެޓް އޮފީހުން ނެރުނު އެލަޓްގައި ބުނެފައި ވަނީ، ހއ. އިން ފެށިގެން ބ އަތޮޅުގެ ރަށްތަަކަށް ބޯކޮށް ވާރޭވެހުމާއެކު ގުގުރާނެ ކަމަށެވެ. އަދި ވިލާގަނޑުގައި ގަޑިއަކު 35-40 މޭލު ބާރު މިނުގައި ވައިޖެހޭނެ ކަމަށްވެސް މެޓުން ބުނެފައިވެއެވެ.
މެޓް އޮފީހުން އެ ސަރަހައްދަށް އެލާރޓް ނެރެފައި ވަނީ މިއަދު ހެނދުނު 8:00 އިން މެންދުރު ފަހު 13:00 އާއި ހަމައަށެވެ.
މެޓް އޮފީހުގެ އޮފިޝަލަކު "ޖަޒީރާ ނިއުސް"އަށް މައުލޫމާތު ދެމުން ވިދާޅުވީ ރާއްޖޭގެ އެހެން ސަރަހައްދުތަކަށް އާންމު ގޮތެއްގައި މޫސުން ރަނގަޅު ކަމަށެވެ.
