މާލެ ސަރަހައްދުގައި ދަތުރުކުރި ޑައިވިން ދޯންޏެއް ކ. ވިލިވަރުގެ އުތުރު ފަރާތު ފަރަށް އުރިއްޖެއެވެ.
"ޝޯލައިން" ކިޔާ އެ ދޯނި ފަރަށް އަރައިގެން އުޅޭ ކަމަށް އެމްއެންޑީއެފް މާލެ އޭރިއާގެ ކޯސްޓްގާޑަށް ލިބިފައިވަނީ މިއަދު 8:15 ގައެވެ.
ފަރަށް އެރި އިރު އޭގައި ހަތަރު މީހުން ތިބި ނަމަވެސް، މި ހާދިސާގައި އެއްވެސް މީހަކަށް އަނިޔާއެއް ނުވެއެވެ. އެމްއެންޑީއެފްއިން ދަނީ މިހާރު އެ ސަރަހައްދުގައި ހަރަކާތްތެރިވަމުންނެވެ.
