ހުޅުމާލެގައި އަނެއްކާވެސް މީހަކު ނިޔާވެފައި އޮއްވާ ފެނިއްޖެއެވެ.
ނިޔާވެފައި އޮއްވާ ފެނުނީ އުމުރުން 38 އަހަރުގެ ބަންގްލަދޭޝްގެ ރައްޔިތެއް ކަމަށާއި، އޭނާ ހުޅުމާލެ ހޮސްޕިޓަލަށް ގެންދެވުނު އިރުވެސް ނިޔާވެފައިވާ ކަމަށް ފުލުހުން މައުލޫމާތު ދެއެވެ.
މި ކަމާ ގުޅިގެން ފުލުހުން ވިދާޅުވެފައިވަނީ، ނިޔާވެފައި އޮއްވާ ފެނުން މީހާގެ ހަށިގަނޑުގެ ބޭރުފުށުން އެއްވެސް އަނިޔާއެއް ފެންނަން ނެތްކަމަށާއި މި މީހާއަކީ ހުޅުމާލޭގައި ބިދޭސީން އުޅެމުންދާ ތަނެއްގައި އުޅެމުންދިޔަ މީހެއްކަމަށެވެ.
އަދި މި މައްސަލަ އިތުރަށް ތަހުގީގު ކުރަމުންދާކަމަށްވެސް ފުލުހުން ވިދާޅުވިއެވެ.
ހުޅުމާލޭގައި މިއަދު ވަނީ އިތުރު މީހަކުވެސް ކުއްލި ގޮތަކަށް މަރުވެފައެވެ. އެމީހާ މަރުވެފައި އޮއްވާ ފެނުނީ ހުޅުމާލެ ރޯ ހައުސް އެއްގެ ޓެރަސް މަތިންނެވެ.
