ރިޔާސީ އިންތިހާބުގެ ދެވަނަ ބުރަށް ކެމްޕޭން ކުރާއިރު ޖުމްހޫރީ ޕާޓީގެ ނަން ބޭނުން ނުކުރަން އެ ޕާޓީން އެދިއްޖެއެވެ.
ޖޭޕީން ބުނީ އިންތިހާބުގެ ދެވަނަ ބުރުގައި ވަކި ކެންޑިޑޭޓަކަށް ތާއީދު ކުރުމުގައި އެ ޕާޓީގެ ނަން އަދި ޕާޓީގެ އެއްވެސް ވަޞީލަތެއް ބޭނުން ނުކުރުމަށް އެދޭ ކަމަށެވެ.
އިންތިހާބުގެ ދެވަނަ ބުރުގައި އެއްވެސް ކެންޑިޑޭޓަކަށް ތާއީދުނުކުރަން ޖުމްހޫރީ ޕާޓީން ވަނީ ނިންމާފަ އެވެ. މިގޮތަށް ނިންމި ނަމަވެސް ޖޭޕީގެ އާންމު މެމްބަރުންނަށް ބޭނުން ކެންޑިޑޭޓަކަށް ތާއީދުކުރުމުގެ ހައްގު އޮންނާނެ ކަމަށް އެ ޕާޓީގެ ލީޑަރު ގާސިމް އިބްރާހިމް ވަނީ ވިދާޅުވެފައެވެ.
ރައީސް އިބްރާހިމް މުހައްމަދު ސޯލިހާއެކު ދާދިފަހުން މަޝްވަރާ ބައްދަލުވުމެއް ބާއްވާފައެވެ.
