ހުޅުމާލެއިން ގެއްލިގެން ހޯދަމުންދިޔަ އަންހެން މީހާ އާއިލާއަށް ގުޅި ކަމަށާއި، އޭނާ އާއި އެކު ގެއްލިގެން ރިޕޯޓް ކުރި ދެ އަހަރުގެ ދަރިފުޅާއި ދެމައިންގެ ހާލު ރަނގަޅު ކަމަށް ފުލުހުން ހާމަކޮށްފިއެވެ.
ހުޅުމާލެ ފޭސް 2 އިން ގެއްލިގެން ހޯދަމުން ދިޔައީ ހއ. އިހަވަންދޫ، ނަސްރީނުގެ، އާއިޝަތު އިހުސާނާ (32އ) އާއި އޭނާގެ 2 އަހަރުގެ އަންހެން ދަރިފުޅެވެ.
އާއިލާއަށް އެ ދެމައިންގެ ހަބަރެއް ނުވެގެން ފުލުހުންނަށް ރިޕޯޓްކޮށްފައިވަނީ އިއްޔެއެވެ.
