މީޑިއާ ކައުންސިލްގެ މެމްބަރުން ހޮވުމަށް ބާއްވާ ވޯޓުލުން މިއަދު އޮންނާނެއެވެ.
ވޯޓުލުން އޮންނާނީ ސޯޝަލް ސެންޓަރުގައި ހެނދުނު 10:00 އިން 11:00 އަށެވެ.
މިއިންތިހާބުގައި ވާދަކުރުމަށް ކައުންސިލްގެ މެމްބަރުކަމަށް ކުރިމަތިލުމަށް ހުޅުވާލީ އޮކްޓޫބަރު މަހުގެ ތެރޭގައެވެ.
މީޑިއާ ކައުންސިލްގެ މެމްބަރުންގެ އަދަދަކީ 13 އެވެ.
އެއީ މީޑިއާތަކުން އިންތިހާބުކުރާ ހަތް މެމްބަރުންނާއި އާއްމުންގެ ފަރާތުން ތިއްބަވާ ހަ މެމްބަރުންނެވެ. އެ ކައުންސިލުގެ މެމްބަރުންގެ ދައުރެއްގެ ދިގުމިނަކީ ތިން އަހަރު ދުވަހެވެ. ވިދިވިދިގެން ދެ ދައުރަށް އެއް ބަޔަކު ކުރިމަތިލުމުގެ ފުރުސަތު އެ ކައުންސިލަކު ނޯވެ އެވެ.
މިހާރު އޮތް ކައުންސިލްގެ މުއްދަތު ހަމަވާނީ މި އަހަރުގެ ނިޔަލަށެވެ.