ހދ.ނޮޅިވަރަންފަރު ނެރުމައްޗަށް މުދާ އުފުލާ ދޯންޏެއް އަރައިފިއެވެ.
އެމްއެންޑީއެފްއިން މައުލޫމާތު ދޭގޮތުގައި "ސަވާރީ" ނަމަކަށް ކިޔާ މުދާއުފުލާ ދޯންޏެއް ނެރުމައްޗަށް އަރައިގެން، އެމްއެންޑީއެފް ނޮދަން އޭރިއާ ކޯސްޓްގާޑް ފަސްޓް ސްކޮޑްރަންގެ ސިފައިން 19:34 ހާއިރު ވަނީ އެ ސަރަހައްދުގައި ހަރަކާތްތެރިވާން ފަށާފައެވެ. އެހާދިސާގެ ރިޕޯޓް ލިބިފައިވަނީ މިރޭ 18:30 ހާއިރުކަމަށް އެމްއެންޑީއެފްއިން ބުނެއެވެ.
ދައުރުވަމުންދާ ވީޑިޔޯގައި އެވަގުތު ކަނޑު ގަދަކަން އެނގެއެވެ. އެބޯޓުގައި ތިބީ މީހުންގެ އަދަދެއް އަދި އެއްވެސް މީހަކަށް އަނިޔާއެއް ލިބުނު ކަމުގެ މައުލޫމާތެއް އަދި ސާފެއްނުވެއެވެ.
