އެމްޑީޕީގެ އެތެރޭގެ އިންތިހާބުގައި ވޯޓުލާން ވަގުތު ކުޑަތަންވެފައިވާއިރު، ޗެއާޕާސަންކަމަށް ކުރިމަތިލާ ކެންޑިޑޭޓް އިމްތިޔާޒް ފަހުމީ (އިންތި)ގެ ފަރާތުން ގިނަ ޝަކުވާތަކެއް ހުށަހަޅައިފިއެވެ.
އިންތިގެ ތަރުޖަމާނު މުހައްމަދު ވަހީދު (ވައްޑޭ) ވަނީ ރާއްޖޭގެ އެކި ރަށްރަށުގައި ވޯޓުލުމުގެ ތެރެއިން ލިބިފައިވާ ޝަކުވާތައް އޭނާގެ ޓްވިޓާގައި ހިއްސާ ކުރައްވާފައެވެ. އެގޮތުން ފ. ނިލަންދޫގައި ވޯޓުލުމަށްފަހު ވޯޓު ކަރުދާސް ދައްކަން އަންގަމުންދާ ކަމަށް ވިދާޅުވެ އޭނާ ވަނީ ވީޑިއޯއެއް ހިއްސާކުރައްވާފައެވެ.
ފ. ނިލަންދޫގައި ވޯޓު ލުމަށްފަހު ވޯޓު ކަރުދާސް ދައްކަން އަންގަމުން އެބަގެންދޭ. މިއީ ޕާޓީން ނެރެފައިވާ ވޯޓުލުން ކުރިޔަށް ގެންދާނޭ ގޮތުގެ އުސޫލުތަކާ ޚިލާފު ކަމެއް. އަދި ވޯޓުން މަކަރު ހަދަން ހިންގާ ކަމެއް. @MDPSecretariat @anasabdulsattar @mimaniq53 @ali_niya pic.twitter.com/aoxMnPe2pn
— Waddey (@waddey_) May 14, 2022
ނިލަންދޫ ވޯޓުލާ މަރުކަޒުގައި ހިންގަމުންދާ ގަވައިދާ ހިލާފަށް ވީޑިއޯ ކުރި އިންތިގެ އޮބްޒާބަރު ގަދަކަމުން ނެރުމަށާއި، ނެރެވެންދެން ވޯޓުލުން ހުއްޓުވަން، ވާދަވެރި ކެންޑިޑޭޓްގެ އޮބްޒާވަރުންނާއި ޖުމްހޫރީ ޕާޓީގެ މެންބަރަކު ވަދެ މަސައްކަތް ކުރާ ކަމަށް ބުނާ ވީޑިއޯއެއްވެސް ވައްޑޭ ވަނީ ހިއްސާ ކުރައްވާފައެވެ.
ފ.ނިލަންދޫ ވޯޓްލާ މަރުކަޒުގައި ހިންގަމުންދާ ޤަވާއިދާޚިލާފު ކަންކަން ވީޑިއޯ ކުރި އިންތިގެ އޮބްޒާވަރު ގަދަކަމުން ނެރުމަށާއި، ނެރެވެންދެން ވޯޓުލުން ހުއްޓުވަން، ވާދަވެރި ކެންޑިޑޭޓްގެ އޮބްޒާވަރުންނާ ޖުމްހޫރީ ޕާޓީގެ މެމްބަރަކު ވަދެ މަސައްކަތް ކުރަނީ. @MDPSecretariat @anasabdulsattar pic.twitter.com/V2zXgAe7ME
— Waddey (@waddey_) May 14, 2022
އަދި ވޯޓުލާ މަރުކަޒުގައި ހުރި އިންތިގެ ހަމައެކަނި އޮބްޒާވަރު ގަދަކަމުން ނެރެފައި، އިންތިގެ ފަރާތުން ދެކޮޅު ހަދަނިކޮށް، އެހެން މީހަކަށް އޮބްޒާވަރު ފާސްދީގެން ވޯޓުލުން ކުރިއަށް ގެންދަމުންދާ ކަމަށް ވެސް އޭނާ ވިދާޅުވިއެވެ.
ފ. ނިލަންދޫ ވޯޓްލާ މަރުކަޒުގައި ހުރި އިންތިގެ ހަމައެކަނި އޮބްޒާވަރު ގަދަކަމުން ނެރެފައި، އަޅުގަނޑުމެން ދެކޮޅުހަދަހަދާ ތިއްބައި، އިންތި ކަނޑަނާޅާ މީހަކަށް އޮބްޒާރު ފާސްދީގެން ވޯޓުލުން ކުރިޔަށް އެބަގެންދޭ. @MDPSecretariat @anasabdulsattar @ali_niya @mimaniq53 pic.twitter.com/cuBRq688Tp
— Waddey (@waddey_) May 14, 2022
ވައްޑޭ ވަނީ އިތުރު ރަށްތަކުގެ ވޯޓުލުމުގެ ތެރެއިން ލިބެމުންދާ ޝަކުވާތައް ހިއްސާ ކުރައްވާފައެވެ. އެގޮތުން، ށ. ފޯކައިދޫ ވޯޓުލާ މަރުކަޒަށް ކެންޑިޑޭޓް ނަންބަރު ދޭކަށް ވޯޓުލާ މީހުން އުފުލުމަށް އެރަށު ހެލްތް ސެންޓަރުގެ ވެހިކަލް ބޭނުންކުރަމުންދާ ކަމުގެ ޝަކުވާ ލިބެމުންދާ ކަމަށް ވެސް އޭނާ ވިދާޅުވިއެވެ.
ށ. ފޯކައިދޫ ވޯޓްލާ މަރުކަޒަށް ކެންޑިޑޭޓް ނަމްބަރު 2 އަށް ވޯޓްލާ މީހުން އުފުލުމަށް، ފޯކައިދޫ ހެލްތް ސެންޓަރުގެ ވެހިކަލް ބޭނުންކުރަމުންދާ ކަމުގެ ޝަކުވާ ދަނީ ލިބެމުން. @MDPSecretariat @anasabdulsattar @ali_niya @mimaniq53 pic.twitter.com/jPMFUbufY1
— Waddey (@waddey_) May 14, 2022
ވައްޑޭ ވިދާޅުވީ ލ. މާވަށުގައި ވޯޓުލާން ދިޔަ މީހަކަށް ދޫކުރި ކަރުދާހުގައި ކެންޑިޑޭޓް ނަންބަރު ދޭއްގައި ފާހަގަ ޖަހާފައިވާކަމުގެ ޝަކުވާ ލިބިފައިވާ ކަމަށެވެ. އަދި ރ. މަޑުއްވަރީ ދާއިރާއާއި ފުވައްމުލައް މެދު ދާއިރާގެ މާލޭގެ ވޯޓު ފޮއްޓަށް ޑަބަލް ވޯޓު ކަރުދާސް ދޫކޮށްގެން ވޯޓު އަޅަމުންދާ ކަމަށް އޭނާ ވިދާޅުވިއެވެ.
ރ. މަޑުއްވަރީ ދާއިރާ މާލޭ ފޮށީގެ އޮފިޝަލް އަޙުމަދު ޝައުކަތު، ޑަބަލް ވޯޓް ކަރުދާސް ދޫކޮށްގެން ވަރަށް ފާޅުގައި ވޯޓު އަޅުވަމުން އެބަގެންދޭ. ވޯޓުލާން އައި މީހުންގެ އަދަދަށްވުރެ މާގިނަ ކަރުދާސް ވަނީ ފޮއްޓަށް އަޅާފައި. @MDPSecretariat @anasabdulsattar @ali_niya pic.twitter.com/sf5V0Ncygz
— Waddey (@waddey_) May 14, 2022
އޭނާ ވިދާޅުވީ ގދ. ތިނަދޫ ދެކުނު ވޯޓު ފޮއްޓަށް ވޯޓުލީ މީހުންގެ އަދަދު ދިމާނުވުމުން ވޯޓު ކަރުދާހުގެ ސުމާރު ނަންބަރު ގޮވައިދޭން އެދުމުން އެކަން ނުކޮށްދީ ވޯޓުލުން ކުރިއަށް ގެންދާ ކަމަށެވެ.
މީގެ އިތުރުން ހުޅުމާލޭ ވޯޓުލުން ޣާޒީ ސްކޫލުގައި ބޭއްވުމަށް ނިންމާފައިވަނިކޮށް، އެންގުމަކާނުލާ ކުއްލިއަކަށް މިއަދު ހެނދުނު ހުރަވީ ސްކޫލަށް ބަދަލުކޮށްފައިވާތީ ވަރަށް ގިނަ ޝަކުވާތައް ލިބެމުްނދާ ކަމަށް ވައްޑޭ ވިދާޅުވިއެވެ.
