ބ. ތުޅާދޫ ފުޓުބޯޅަ ދަނޑުގެ ސަބްބޭސް އެޅުމުގެ މަސައްކަތް ނިމިއްޖެއެވެ.
އެ މަސައްކަތް ކުރިޔަށް ގެންދިޔުމަށް ހަވާލުކޮށްފައިވާ ރޯޑް ޑިވެލޮޕްމެންޓް ކޯޕަރޭޝަނުން ބުނީ، ތުޅާދޫ ފުޓުބޯޅަ ދަނޑުގެ ސަބްބޭސް އެޅުމުގެ މަޝްރޫއުގެ މަސައްކަތުގެ 100 އިންސައްތަ މިހާރު ނިމިފައިވާކަމަށެވެ.
ބ.ތުޅާދޫ ފުޓުބޯޅަ ދަނޑުގެ ސަބްބޭސް އެޅުމުގެ މަޝްރޫއުގެ މަސައްކަތް %100 މިހާރު ވަނީ ނިމިފައި.#ޓީމްއާރުޑީސީ pic.twitter.com/wZZoKYOCjr
— Road Development Corporation Ltd (@rdcmaldives) February 21, 2022
ބ އަތޮޅު ތިން ރަށެއްގެ ފުޓުބޯޅަ ދަނޑުގެ ސަބްބޭސް ތައްޔާރުކުރުމުގެ މަސައްކަތް ކުރިޔަށްގެންދިޔުމަށް އާރްޑީސީއާ ހަވާލުކުރީ މިދިޔަ އަހަރުގެ މާޗް މަހުގެ 29 ވަނަ ދުވަހުގައެވެ. އެއީ ބ. ދަރަވަންދޫ، ތުޅާދޫ އަދި ކެންދޫއެވެ.
ބ ދަރަވަންދޫ އަދި ބ ތުޅާދޫ ފުޓުބޯޅަ ދަނޑުގެ ސަބްބޭސް އެޅުމަށް އެއްބަސްވެފައިވަނީ 2.2 މިލިއަން ރުފިޔާއަށް އަދި ބ ކެންދޫ ފުޓޫބޯޅަ ދަނޑުގެ ސަބްބޭސް އެޅުމަށް އެއްބަސްވެފައިވަނީ 1.6 މިލިއަން ރުފިޔާއަށެވެ.
