ކޮވިޑް-19 ޖެހިގެން އައްޑޫ ސިޓީން މީހަކު މަރުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ ކޮވިޑް ބަލީގައި އައްޑޫއިން މަރުވީ އުމުރުން 82 އަހަރުގެ ދިވެހި ފިރިހެނެއް ކަމަށެވެ.
އައްޑޫ ކޮވިޑް މެނޭޖްމެންޓް ފެސިލިޓީގައި ފަރުވާ ހޯދަމުންދަނިކޮށް އެމީހާ މަރުވީ ރޭ ދަންވަރު 02:30 ހާއިރުއެވެ.
Last night (04/01/22) at 02:30 am a 82-year-old Maldivian male admitted at Addu Covid Management Facility has passed away
This is the 263rd COVID-19 death in the Maldives
Our thoughts and prayers are with the bereaved family. May Allah grant him soul eternal peace in heaven
— Health Protection Agency (@HPA_MV) January 4, 2022
މިއީ މި ބަލީގައި ރާއްޖެއިން މަރުވި 263 ވަނަ މީހާއެވެ. ރާއްޖޭގައި 2609 މީހަކަށް ކޮވިޑް-19 އަށް ފަރުވާދެމުން އަންނަ އިރު، 96،200 އަށް ވުރެ ގިނަ މީހުންނަށް މިހާތަނަށް މި ބަލި ޖެހިފައިވެއެވެ. އޭޣެ ތެރެއިން 93،000 އަށް ވުރެ ގިނަ މީހުން ވަނީ ބަލިން ރަނގަޅުވެފައެވެ.
މުޅި ދުނިޔޭގައި ހަލުވި ކަމާއި އެކު ފެތުރެމުން އަންނަ މި ބަލީގެ އައު ވޭރިއަންޓެއް ކަމަށްވާ އޮމިކްރަން ވެސް މިހާރު ވަނީ ރާއްޖެއިން ފެނިފައެވެ. އަދި ކަންބޮޑުވާ މިންވަރަކަށް އިންފްލުއެންޒާ ވެސް ދަނީ ފެތުރެމުންނެވެ.
