މާފުށި ކައިރިން ތަރައްގީ ކުރި ޕިކްނިކް އައިލެންޑް ހުޅުވުމުގެ ރަސްމިއްޔާތަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު މިއަދު ކ. މާފުއްޓަށް ވަޑައިގަތުމަށް ހަމަޖެހިއްޖެއެވެ.
ރައީސް އޮފީހުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ އެއް ދުވަހަށް ކުރައްވާ މި ދަތުރުފުޅުގައި ރައީސް ސޯލިހު މާފުށި ކައިރިން ތަރައްގީކުރި ޕިކްނިކް އައިލެންޑް އެރަށު ކައުންސިލާއި ހަވާލުކުރައްވާނެ ކަމަށެވެ. އަދި އެދަތުރުފުޅުގައި ރަށު ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެމްބަރުންނާވެސް ރައީސް ބައްދަލުކުރައްވާނެ ކަމަށެވެ.
President @ibusolih will be travelling to Maafushi Island of Kaafu Atoll today on a day-trip to participate in the handover of the picnic island to the local council.
The President will also meet with the island's council, WDC and visit key locations of the island.
— Mabrook Azeez (@MvSpokesperson) December 28, 2021
މާފުށީގައި ޕިކްނިކް އައިލެންޑެއް ގާއިމުކުރުމުގެ މަސައްކަތް ކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮންމެޕެނީ (އެމްޓީސީސީ) އިން ނެވެ.
އެ މަޝްރޫއަކީ އެމްޓީސީސީން ތަރައްގީކުރި އެފަދަ ތިންވަނަ ޕިކްނިކް އައިލެންޑް މަޝްރޫއެވެ. އެ މަޝްރޫއަށް ޖުމްލަ 10.8 މިލިއަން ރުފިޔާގެ ހަރަދުކޮށްފައިވެއެވެ. އެމަޝްރޫއުގެ ބިން ހިއްކުމުގެ މަސައްކަތް ނިންމާފައިވަނީ މިމަހުގެ 19 ވަނަ ދުވަހުއެވެ.
