ކުރީގެ ރައީސް އަބްދުﷲ ޔާމިންގެ ޕާސްޕޯޓް ހިފައްޓަން އަމުރު ދެވެން ނެތްކަމަށް ކްރިމިނަލް ކޯޓުން ނިންމައިފި އެވެ.
ކްރިމިނަލް ކޯޓުން މިގޮތަށް ނިންމީ ޕާސްޕޯޓުގެ މުއްދަތު ހަމަވެފައި އޮތުމުންނެވެ.
ޔާމީންގެ މައްޗަށް އުފުލާފައިވާ މަނީ ލޯންޑަރިންގެ ދައުވާއާއި ރިޝްވަތު ހިފުމުގެ ކުށުގެ ދައުވާގެ ޝަރީއަތް ނިމެންދެން ޔާމީންގެ ޕާސްޕޯޓް ހިފަހައްޓައި ފުރުން މަނާ ކުރުމުގެ އަމުރެއް ނެރެދޭން ދައުލަތުން މިއަދު އެދިވަޑައިގަތެވެ. އެހެންމަވެސް މައްސަލަ ބައްލަވާ ގާޒީ، ގާޒީ އަހްމަދު ޝަކީލް ވިދާޅުވީ ރައީސް ޔާމިންގެ ޕާސްޕޯޓަކީ މުއްދަތު ހަމަވެފައިވާ ޕާސްޕޯޓެއް ކަމުން އެއީ ވުޖޫދުގައި ނެތް ޕާސްޕޯޓެއް ކަމުގައި ބެލެވޭކަމަށެވެ.
މީގެއިތުރުން ރައީސް ޔާމިން ފުރުމުގެ ޖާގައާއި ސަބަބެއް ވެސް ނެތް ކަމަށާއި، ބުރަދަނެއް ހުރި އިތުރު ސަބަބެއް ދައުލަތަށް ދެއްކިފައި ނުވާ ކަމަށް ވެސް ގާޒީ ވިދާޅުވިއެވެ.
