ރާއްޖޭގެ ގައުމީ ވޮލީބޯޅަ އަދި ހޭންޑްބޯޅަ ޓީމުތަކަށް ބަހްރައިންގައި ތަމްރީން ހެދުމުގެ ފުރުސަތު ފަހިވެފައިވާކަން މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓް އަހްމަދު މަހްލޫފް ހާމަކުރައްވައިފިއެވެ.
މަހްލޫފް މިހާރު ބަހްރައިންއަށް ކުރައްވަމުންގެންދަވާ ދަތުރުފުޅުގެ ތެރެއިން ވަނީ އެ ގައުމުގެ ހޭންޑްބޯޅަ އެސޯސިއޭޝަންގެ ރައީސް އާއި ވޮލީބޯޅަ އެސޯސިއޭޝަންގެ ރައީސްއާ ވެސް ބައްދަލުކުރައްވާފައެވެ.
އެގޮތުން އެގައުމުގެ ހޭންޑްބޯޅަ އެސޯސިއޭޝަންގެ ރައީސްއާ ބައްދަލުކުރެއްވުމަށްފަހު ކުރެއްވި ޓްވީޓެއްގައި މަހްލޫފް ވިދާޅުވީ ރާއްޖޭގެ ގައުމީ ޓީމުތަކަށް އެގައުމުގައި ތަމްރީން ހެދުމުގެ ދައުވަތު ދެއްވާފައިވާތީ ޝުކުރު އަދާކުރާ ކަމަށް ވިދާޅުވެފައެވެ. ހަމައެހެންމެ ރާއްޖޭގައި ހޭންޑްބޯޅަ ކުރިއެރުވުމަށް ދިން ޔަގީންކަމަށް ޝުކުރު އަދާކުރާ ކަމަށް ވިދާޅުވެ މަހްލޫފް ވަނީ ބަހްރައިންގެ ހޭންޑްބޯޅަ އެސޯސިއޭޝަންގެ ރައީސްއަށް ރާއްޖެއިން މަރުހަބާ ދެންނެވުމަށް އުންމީދުކުރާ ކަމަށް ވިދާޅުވެފައެވެ.
Had a very productive meeting with President of Bahrain Handball Federation Ali @bu_essa1968.Thankful for the invitation given to @HandballMaldiv1 teams to undergo training in 🇧🇭 & for the assurance of support to develop 🤾♀️ in 🇲🇻.Looking forward to welcoming you in Maldives. pic.twitter.com/45hZubZhtE
— Ahmed Mahloof (@AhmedMahloof) November 3, 2021
ބަހްރައިންގެ ވޮލީ އެސޯސިއޭޝަންގެ ރައީސްއާ ވެސް މަހްލޫފް ބައްދަލުކުރައްވާފައިވާއިރު ރާއްޖޭގެ ގައުމީ ޓީމުތަކަށް ތަމްރީން ހެދުމުގެ ފުރުސަތު ފަހިވެފައިވާ ކަމަށާއި ރަހުމަތްތެރިކަމުގެ މެޗުތަކެއް ވެސް ކުޅުމަށް ހަމަޖެހިފައިވާ ކަމަށް ހާމަކުރައްވާފައެވެ.
Had a very productive meeting with the President of Bahrain Volleyball Association Sheikh Ali. Thank you for the opportunity to train our teams in Bahrain,share knowledge & expertise and for the arrangement for friendly games.
The MoU will be a huge boost for us.🇲🇻🏐🇧🇭@MRaneysh pic.twitter.com/MPKoBnI899— Ahmed Mahloof (@AhmedMahloof) November 3, 2021
މި ދަތުރުފުޅުގައި މަހްލޫފް ވަނީ ބަހްރައިންގެ ކުޅިވަރާއި އަދި ޒުވާނުންގެ މިނިސްޓަރާއި ބައްދަލުކުރައްވައި ދެގައުމުގެ މެދުގައި މި ދާއިރާއިން ގުޅުން ބަދަހިކުރެވޭނެ ގޮތްތަކާއި ގުޅޭގޮތުން މަޝްވަރާކުރައްވާފައެވެ. އަދި ދެ ގައުމުގެ މެދުގައި ސޮއިކުރެއްވޭ ފަހުމުނާމާއާއެކު ގުޅުން އިތުރަށް ބަދަހިވެގެންދާނެ ކަމަށް ވެސް ވަނީ ހާމަކުރައްވާފައެވެ.
